[东方报]英冠：爭直升英超資格搏到盡 葉士域治贏面高[04-30]
周三凌晨英冠，高雲地利主場迎戰葉士域治。高雲地利上星期喺英足盃同曼聯激戰，表現贏盡掌聲，不過佢哋喺聯賽就持續低迷，近期惡戰連場下愈踢愈頹，今場面對要為升上英超而搏命嘅葉士域治，好大機會再輸一場，客勝值得捧場。（周三凌晨3時開賽）高雲地利士氣陷低谷
高雲地利喺英足盃殺入4強，但代價係聯賽成績下滑，最近4場聯賽1和3負，已痛失升班附加賽資格，球員士氣同信心都處於谷底。唔好忘記，今仗係佢哋7日內第3場比賽，球員體能已到極限，中堅利安傑治廷又要坐波監，高雲地利想扭轉頹勢亦有心無力。
葉士域治近期聯賽3連和後，依家排喺第3位，同第2位嘅列斯聯同分但踢少1場，意味佢哋今場贏波就能重返前兩名，爭直接升班資格會處於上風。葉士域治決心重返英超，戰意高昂值得信賴，今仗客勝值得捧場。
页:
[1]