[东方报]世盃亞洲：中國新帥效應博讓客[03-21]

十七号

世盃外亞洲區Ｃ組今輪焦點賽事，力爭出線嘅中國作客同組最弱嘅新加坡，3分可謂志在必得。新帥艾雲高域接手中國後，重新起用歸化兵兼轉踢球員熟悉嘅陣式，表現可望有所提升，今仗有力反客為主，甚至大勝一場振奮士氣，讓球客勝值博。（HOY TV 76台周四晚上8時30分直播）

中國喺亞洲盃分組賽出局後，請嚟艾雲高域取代被辭退的亞歷山大‧揚科維奇領軍。呢位克羅地亞教頭喺亞洲球壇打滾多年，又曾獲選中超最佳教練，對中國足球相當熟悉，相信可以為中國帶來即時效果。據報艾雲高域會踢番球員最熟習嘅4後衞陣式，今仗預料以4-3-3搶攻，而且重召艾克森如費南多等歸化球員，有望打響頭炮。

新加坡首兩輪失８粒
新加坡實力屬呢組最弱，首兩場先後以0比5及1比3不敵南韓同泰國，無論經驗同實力都唔及中國。睇番兩軍過去3次對碰，全由中國獲勝，球員未踢已經有心理優勢，加上「新帥效應」，中國有望反客為主，博好分頭要讓球客勝。