[东方报]欧冠：曼城殺聲震天半大照根[10-05]

august

今晚G組賽事，曼城主場鬥哥本哈根。「藍月亮」剛剛炒完曼聯，艾寧夏蘭特連中三元弗到爆炸，哥本哈根難以抵擋，預料曼城上半場已經有波入，加上哥本哈根近4場作客上半場總入球全開2球或以上，追中位數1.5球嘅半場大。

曼城喺G組兩戰全勝轟入6粒，一半由夏蘭特取得，呢位挪威國腳加盟曼城後表現「屈機」，一般後衞根本守唔住佢，加上菲爾科頓及奇雲迪布尼等中前場都有能力數胡，曼城上仗打吡戰半場已經攻入4球，預料今仗會繼續大打快波，盡快入多啲波奠定勝局。

哥本哈根作客唔集中
丹麥球隊哥本哈根實力平庸，兩場分組賽僅得1和1負，包括作客0比3不敵多蒙特，上半場已經落後兩粒。睇番佢哋近4仗作客全部輸晒，合共失10球，並且往往早段就失波，擺明唔夠集中，今場隨時一個夏蘭特就足夠炮製半場大，可謂抵玩到極。