[东方报]英足盃：利物浦當旺半場大修錢[02-28]

十七号

英足盃第5圈大戰，英超「1哥」兼新鮮出爐英聯盃冠軍利物浦，將喺主場迎戰英冠前列球隊修咸頓。利物浦今季仍然向「4冠王」目標進發，希望喺領隊高普季尾離任前盡力「掃冠」，英足盃肯定唔會放過，猛虎出柙必搶攻「聖人」，1.5球嘅半場大值得捧場。（無綫myTV Super周四凌晨4時直播）

利物浦依家傷兵滿營，不過喺英聯盃決賽起用大量新人都成功捧盃，預料今仗喺殘陣下，高普會繼續倚重一班小將，以「紅軍」目前高昂士氣，喺晏菲路球場出擊唔會勒住勒住。唔好忘記利物浦賽後不足72小時就要再踢英超，今仗會希望盡早解決比賽，好可能上半場搶攻爭取優勢。

修咸頓識攻唔識守
修咸頓喺英冠排第4位，有機會來季重返英超，但佢哋並非擅守球隊，近5場賽事就失咗10球，嚟到一場過淘汰賽更加唔會死守。翻查兩隊過去4次交鋒，半場總入球全開2球或以上，中位數1.5球嘅半場大值得再追。