[东方报]英超：愛華頓硬淨細守城池[04-19]

十七号

英超「前5」爭逐激烈，目前排第5位嘅曼城今輪作客愛華頓，將面臨重大考驗。「藍月亮」今季表現不穩，射手艾寧夏蘭特受傷後鋒力大減，對住全英超最硬淨嘅愛華頓，好大機會陷入苦戰，相信難以創造入球機會，捧2.5球入球細穩陣。（Now 621周六晚上10時直播）

愛華頓自年初請莫耶斯回巢後，全隊表現脫胎換骨，以守為先嘅戰術效率極高。愛華頓近12場聯賽僅1敗，近2仗更打和阿仙奴同小勝諾定咸森林，遇強愈強。愛華頓防守極強，硬朗同體力化踢法往往令對手難以組織攻勢。「拖肥糖」近6場總入球全開2球或以下，首循環作客曼城亦能踢成1比1，今場絕對有力抗衡曼城。

曼城無鋒陣靠唔住
第5位嘅曼城為保下屆歐聯席位，今場不容有失，但球隊近3場聯賽作客僅入1球，總入球全開2球或以下。夏蘭特養傷對曼城影響極大，「無鋒陣」面對愛華頓更難搵到缺口，今場入波唔會多，細盤值博。