[东方报]英超：車仔作客死火捧富咸[04-20]

十七号

英超9點場上演「倫敦打吡」，富咸主場迎戰車路士，「車仔」近4場聯賽僅1勝已經跌至第6位，而且車路士自去年底至今連續8場聯賽作客不勝，今場難免被睇淡；而且富咸主場表現唔差，近4場聯賽主場3勝1負，仲要受讓平半，下盤抵玩。（ViuTV 96台及Now 622周日晚9時直播）

車路士近期聯賽連和兩場，上輪聯賽對住護級嘅葉士域治都要先失兩球，最後逼和2比2，最過分係上場歐協聯主場對歷基亞竟然輸埋，可見呢架「車」實在靠唔住。

愈踢愈沉讓唔起
再睇埋「車仔」作客成績，可以話不忍卒睹，已經連續8場聯賽作客未贏過，戰績係3和5負，今場「倫敦打吡」唔輸都要還神。

另邊廂，富咸近期兩場表現不俗，前仗主場擊敗榜首利物浦，終止對方26場聯賽不敗走勢，富咸近4場聯賽主場3勝1負，今次仲有得受讓，下盤諗得過。