[东方报]歐冠：乘勇追擊費倫巴治賓菲加平手盤有計[08-20]

十七号

今晚歐聯附加賽首回合焦點戰，土超勁旅費倫巴治主場硬撼葡超班霸賓菲加。雖然費倫巴治有名帥摩連奴領軍，但防守曳頻頻失波，相反賓菲加連場報捷弗到爆，今仗有力反客為主，平手盤必捧賓菲加。（Now 643周四凌晨3時直播）

費倫巴治上圈歐聯外對飛燕諾，幾經辛苦下兩回合反勝6比4，非常驚險。呢支土超勁旅有名帥摩連奴執教，仲有費特洛迪古斯、安尼斯利、祖漢杜蘭等喺歐洲5大聯賽搵過食嘅球員助陣，但總係畀人拉雜成軍嘅感覺，尤其係防守幾唔穩陣，連同熱身賽在內，近5場僅2勝共失7球，包括上月尾與今仗對手賓菲加「拍跳」輸2比3，短短半個月再碰頭，難有很大改善，加上祖漢杜蘭上周鬥飛燕諾傷出，今仗上陣成疑，進攻再打折扣。

近5場全勝4仗0失球
另邊廂，賓菲加雖然之前要出戰世冠盃，抖暑時間比較少，但狀態反而Keep得到，由7月尾同費倫巴治「拍跳」計起，近5場全部贏晒，其中4場更保持清白之身，包括上圈歐聯外對住法甲球隊尼斯，完全控制戰局，兩回合計合共派咗4蛋，演出比費倫巴治平穩得多。唔好忘記，賓菲加近年係歐聯正賽常客，上屆殺入16強先被巴塞隆拿淘汰，絕對唔赦費倫巴治，平手盤賓菲加可謂坐走望贏。