[东方报]英超：曼聯勢頹讓唔起新特蘭[10-04]

十七号

今晚英超10點場，曼聯主場迎戰新特蘭。「紅魔鬼」上輪不敵賓福特，主帥魯賓艾摩廉戰術弱點表露無遺，遇升班後愈戰愈勇嘅新特蘭都難言勝，「黑貓」受讓一球下盤必捧。（Now 622周六晚10時直播）

「黑貓」升班後愈戰愈勇
曼聯上場輸畀賓福特後，又回到聯賽14位，但今次面對嘅問題似乎比以往嚴重，事關艾摩廉硬頸得嚟又欠缺臨場應變，唔少分析指出，要破解其343體系非常簡單，就係每當曼聯後場受壓時，兩閘縮後就會變成5後衞，但中場防守僅餘下2人，對方只要派3名中場壓前，曼聯中場就會陷於捱打。

仲有，係人都知中堅哈利馬古利轉身慢，當曼聯空群而出，對方只要一個長傳即可形成單刀，之前對曼城同上場對賓福特，曼聯都係輸呢啲波，艾摩廉對於上述問題完全冇符，只能夠喺場邊頭耷耷，然後喺賽後怪責球員踢得差，咁搞法士氣點會好。

「黑貓」新特蘭就相反，佢哋新升班朝氣勃勃，聯賽6戰僅輸過1場得11分排第5位，今場作客到訪奧脫福擺明車馬係嚟搶分，以今時今日嘅曼聯，讓一球根本讓唔起，下盤係不二之選。