[东方报]世盃歐洲：比利時勒唔住大舉進攻[10-10]

十七号

世盃外歐洲區J組榜首大戰，比利時主場迎戰北馬其頓。「歐洲紅魔」攻力大爆發，近3場狂入16球，連續3場開出「其他」比數，非常誇張；北馬其頓暫以1分力壓比利時排榜首，佢哋上場亦以5比0大勝列支敦士登，雙方今場狹路相逢隨時鬥攻，3.5球入球大屬首選。（周六凌晨2時45分開賽）

目前J組形勢出現3強鼎立局面，北馬其頓以11分領先，比利時同威爾斯同得10分排第2。北馬其頓同比利時今年6月喺小組首次交手，北馬其頓主場1比1逼和比利時，但實際上當時比利時佔大部分攻勢，射門多達17次，只係半場領先1球後遲遲未能擴大比數，更於尾段失守先被北馬其頓「偷雞」搶到1分；至於現時北馬其頓排榜首，皆因佢哋多踢1場，暫時佔得先機而已。

北馬其頓豁出去博偷雞
比利時打外圍賽一向醒神，近期更加瘋狂入波，包括4比3擊敗威爾斯，其後對列支敦士登同哈薩克連續兩場都贏6比0，年屆34歲嘅奇雲迪布尼狀態回勇，3場交出4球1助攻，加上主場出擊，入球唔會少。

北馬其頓上場大炒列支敦士登5蛋，今場作客唔會放棄進攻機會，何況比利時防守唔算嚴密，北馬其頓入到波唔奇，3.5球入球大好快夠數。