[东方报]歐霸：維拉穩守突擊至駕細[10-23]

十七号

歐霸盃聯賽階段第3輪，阿士東維拉作客荷甲球隊伊高斯。維拉目前2戰全勝，整體實力絕對喺主隊之上，不過呢支英超球隊今季火力有所下滑，領隊艾美利喺作客比賽多數踢穩守突擊，攻門次數唔會太多，3.5球細盤值得一博。（Now 643周五凌晨零時45分直播）

維拉今季開季脫腳，好彩近期已經重返正軌，各項賽事錄得5連勝，呢支英超球隊今個夏天冇乜增兵，就算拉舒福特、馬高阿辛斯奧等離隊都冇搵人代替，前線只係靠奧尼屈堅斯撐住，但呢位英格蘭前鋒今季幫維拉上陣11場只入1球，係球隊入球數字偏低嘅重要原因。

伊高斯入波有難度
維拉領隊艾美利征戰歐洲賽經驗豐富，知道穩健防守係致勝之道，佢亦貫徹穩陣作風，今屆兩輪都保持不失球，分別1比0小勝博洛尼亞同2比0贏飛燕諾。質素有限嘅伊高斯，想入維拉波難度甚高，睇番維拉今季6場作客，總入球全開3球或以下，入球細值得再追。