[东方报]英超：曼聯乘勇火燒森林[11-01]

十七号

今晚英超另一場焦點之戰，諾定咸森林主場對曼聯，森林「新帥效應」已迅速消失，上場聯賽打回原形輸波，反觀曼聯愈戰愈勇，取得聯賽3連勝，寧捧當頭起嘅「紅魔鬼」客勝（Now 621周六晚11時直播）

森林早前換帥，請戴治執教，雖然立即喺歐霸盃擊敗波圖，但上場英超0比2不敵般尼茅夫，各項賽事近6場輸5場，講到成績及狀態，唔可以同曼聯相提並論，領隊戴治仍需要時間改造球隊，估計短期內表現難以大反彈。加上射手基斯活特養傷，鋒線頓失重心，恐怕難以對「紅魔鬼」防線構成太大威脅。

麥比奧莫腳風勁順
至於曼聯已擺脫季初頹勢，近3場英超分別擊敗新特蘭、利物浦及白禮頓，合共轟入8球，前鋒麥比奧莫腳風非常順，近2場射入3球，另一位新兵馬菲奧斯根夏上仗亦開齋，鋒線火力全開，勢必乘勝追擊，力爭再下一城打入前4位，客勝捧得過。