[东方报]世盃歐洲：主場搶韁荷蘭半大有利可陶[11-17]

十七号

今晚世盃外歐洲區G組最後一輪焦點，荷蘭主場迎擊立陶宛。「橙軍」表現飄忽到暈，但勝在主場出擊入局快，為鎖定出線必定一開波就搶，初段不乏入球，捧1.5球半場大。（周二凌晨3時45分開賽）

論實力，荷蘭喺G組可謂鶴立雞群，但喺朗奴高文帶領下，總係畀人唔穩陣嘅感覺，好似上仗作客次席波蘭，「橙軍」幾經辛苦先逼和1比1，未能提早出線，不過佢哋依家仍以17分排榜首，領先波蘭3分，得失球亦有極大優勢，今場對住包尾嘅立陶宛，呢張世盃入場券冇理由失拖。

迪比腳風順有力數胡
雖然荷蘭缺點多多，不過攻力仍有保證，尤其主場特別搶韁，佢哋近7次主場比賽，6次半場開2球或以上，其中5次半場領先。以55球成為隊史神射手嘅迪比，單計今年9場轟9粒，包括上仗入救命波扳平，腳風勁順，今仗必定希望早早入波，等球迷安心。

另邊廂，立陶宛喺小組7戰3和4負未贏過，明顯未夠班，不過首循環主場對住荷蘭，奮力頑抗下最終僅負2比3，今晚話唔埋可再攻破「橙軍」大門，轉捧半場大好過。