[东方报]歐冠：布魯日搶韁半大袋咗仙[12-10]

十七号

喺歐聯排榜首嘅阿仙奴，今年最後一場分組賽作客比利時球隊布魯日。阿仙奴英超輸畀阿士東維拉後，急於尋求勝仗反彈，今場肯定會搶錢咁搶，布魯日一向踢法搶韁，尤其主場曾經打和巴塞隆拿3比3，1.5球半場大有計！（Now 644周四凌晨4時直播）

布魯日歐聯5輪只得4分，想出線今場會奮力一拚，尤其佢哋主場威力強勁，今屆兩場主場分別4比1大勝摩納哥及3比3打和巴塞隆拿。布魯日踢法主動，近7場歐聯有6場半場總入球開2球或以上。

阿仙奴防線多傷兵
阿仙奴今季以防守穩陣見稱，但隨住加比爾馬加希斯、威廉沙列巴同基斯甸摩斯基拿3位中堅接連受傷，後防亦出現漏洞，近6場賽事只得1場能保持不失，而且今場務求反彈，兼且盡早喺歐聯搶夠分，可以之後放心喺英超搏殺，必定會同布魯日鬥攻，半場大抵玩。