[东方报]欧冠：賓菲加硬淨受讓抵捧[01-21]

十七号

歐聯爭持激烈，排中下游嘅祖雲達斯同賓菲加今輪對決，力爭歐聯3連勝。主場出擊嘅「祖記」，今屆6場比賽只輸過1場，不過有3場和波失分，勝率唔高，面對由摩連奴帶領嘅賓菲加，未必咁易咬得入，賓菲加讓球客勝（+1）博得過。（周四凌晨4時開賽）

祖雲達斯今屆頭4輪歐聯不勝，直到最近兩場先搵弱旅波杜基林特同帕福斯「祭旗」，面對強敵嘅爭勝能力仍係一大疑問。佢哋上場聯賽0比1輸畀卡利亞里，對士氣同信心造成一定打擊，而且杜辛華荷域缺陣令球隊缺少數胡人物，要攻陷賓菲加防線唔係咁易。

近6次對祖記不敗
賓菲加喺摩連奴帶領下，近13場賽事只輸過1場，對上8場賽事有5場保持不失球，防守相當硬淨。賓菲加嘅穩守突擊踢法，喺歐聯有唔錯效果，近兩輪分別贏阿積士同拿玻里2比0。翻查往績，賓菲加近6次對祖雲達斯，法定時間內4勝2和未輸過，今場可望全身而退，讓球客勝（+1）抵玩。