[东方报]英超：般尼搶分護級大無畏[04-21]

august

今晚繼續有英超賽事，般尼主場迎戰修咸頓。般尼炒領隊後上仗即有分落袋，今場要繼續搏命，修咸頓踢「風流波」冇壓力，近期表現飄忽冇得估，不過既然兩軍近年交手旺開大，相信今仗入波唔會少，一於再追中位數2.5球嘅入球大。

炒完教練有起色
般尼上周宣布辭退主帥戴治，助教同守門員教練亦都全部炒魷，青年軍教頭米克積遜暫代領隊，人事變動後上仗作客韋斯咸，即憑韋格賀斯入波，以1比1賽和對手，搶得1分。雖然韋斯活特上仗斷腳收咧，對球隊實力有一定影響，不過為求護級，相信般尼今場仍會繼續搶攻。

修咸頓近期踢風流波，連場失分後，上場憑碧拿歷克建功，1比0擊敗阿仙奴，不過唔好忘記，佢哋前仗主場對車路士大敗0比6，今仗作客戰意難估失波唔奇。睇番般尼對修咸頓近5次交手4次開3球或以上，包括首循環踢成2比2，今仗再交手，入球大可期。