[东方报]英超：搶分大作戰！曼城勢破屈福特[04-23]

august

今晚另一場英超焦點賽事，曼城主場迎戰屈福特。「藍月亮」需要打醒十二分精神，先可以繼續喺冠軍之爭佔據有利位置，呢支衞冕之師數胡能力一向有保證，面對「私房菜」屈福特，有本錢再以大比數取勝，中位數3.5球入球大值得再追。

曼城去到英超最後直路同利物浦鬥到難分難解。「藍月亮」想成功衞冕，除了期望「紅軍」失分，就只能夠做好本分。幸好呢支英超班霸進攻板斧夠多，奇雲迪布尼、馬列斯、史達寧今季英超已取得雙位數入球，令對手防不勝防。領隊哥迪奧拿經驗十足，即使遇上對手擺出鐵桶陣，亦能搵到破門良方，上場靠馬列斯1傳1射，主場大炒白禮頓3比0，續顯霸氣。

大黃蜂防線穿窿
深陷降班區嘅「大黃蜂」屈福特近3仗聯賽全敗，走勢未見起色，而且近6仗都冇辦法保住清白身，係今季英超其中失球較多嘅一隊。回顧往績，曼城近5次與屈福特交手全勝，而且全部開4球或以上，包括今季首循環以3比1取勝，今場主場出擊，有望再演入球騷，中位數3.5球入球大值博。