[东方报]英超：狼隊爭氣頂住頹細維拉[02-27]

十七号

今晚英超獨腳戲，包尾嘅狼隊主場迎戰「3哥」阿士東維拉。雖然睇落強弱懸殊，但狼隊近期頻頻搶到分，不容小覷，相反維拉明顯跌Watt，攻力疲弱係致命傷，正所謂英超冇弱隊，要贏狼隊唔易，捧2.5球入球細最上算。（Now 621周六凌晨4時直播）

狼隊今季踢咗28輪，幾經辛苦先攞到雙位數得分（10分），護級機會就只得渺茫同冇機會，但眾將勝在仲有拚勁。單計近3仗聯賽，狼隊獲2和1負，2場和波係對住森林同「1哥」阿仙奴，其中對住阿仙奴嗰場，更加係去到補時入波逼和2比2，睇得出大家都咬緊牙關冇放棄。

屈堅斯獨力難支
另邊廂，今季幾度連勝、一度衝擊冠軍嘅維拉，嚟到依家已經開始謝謝哋，唔單止英足盃被紐卡素踢出局，近4仗聯賽贏得1場咁大把，已經畀阿仙奴甩開10分，攻力下滑係主因。陣中除咗奧尼屈堅斯外，冇另一位可靠前鋒穩定數胡，之前頻頻入波嘅中場摩根羅渣士近期冇貨賣，冬窗簽入譚美阿巴謙亦幫唔到幾多，難怪近7仗聯賽全開2球或以下，仲有隊長約翰麥甘尼、泰利文斯、保巴卡卡馬拉等中場先後受傷，嚴重影響戰力，加上雙方近年交手例少交收，今仗唔慌多波入。