[东方报]英冠：盧頓搶分保前6下盤劫富[05-02]

august

今晚英冠榜首富咸主場對盧頓，富咸自鎖定升班資格後揸流攤，相反盧頓仍要搶分保住前6嘅升班附加賽席位，決心更大，季尾波戰意行先，盧頓受讓一球，下盤捧得過。

富咸決心成疑
富咸上月尾提前鎖定直接升班資格，今季聯賽轟入99粒，射手阿歷山大米祖域就佔咗41球，金靴應該冇走雞。佢哋依家領先次席般尼茅夫5分，喺剩番兩輪之下，今仗贏波就封王，咁多樂觀因素似乎實食冇黐牙，但佢哋近期出現hea踢情況，近5仗贏得一場咁大把，不宜高估。

作客嘅盧頓狀態唔曳，近8仗取得4勝3和僅1敗，目前排第5位，踢少一場下領先第7位嘅米杜士堡兩分，今仗都要搶分確保前6升班附加賽席位。睇番富咸近期失分賽事，既有當時未護級失敗嘅打比郡，亦有爭升班嘅森林同般尼茅夫，全部都係戰意爆燈球隊，加上近兩次交手都和波，寧捧受讓嘅盧頓。