[东方报]英超：兵城出擊各有所求[04-25]

十七号

阿仙奴跌Watt細盤找素
英超雙雄阿仙奴同曼城，喺周日凌晨將會分途出擊，失榜首嘅「兵工廠」英超主場迎戰紐卡素，由於阿仙奴有歐聯後顧，今場小勝都收貨。至於季尾全面撻着嘅曼城，就會喺英足盃4強對英冠球隊修咸頓，「藍月亮」踢盃賽極有心得，可以睇定嚟食，1.5球半場細好路。

英超焦點之戰，阿仙奴主場對紐卡素。「兵工廠」上場榜首大戰不敵曼城，爭標之路優勢冇晒，依家只求贏波攞3分，但都要入到波先講；「喜鵲」各項賽事4連敗，頻頻傳出領隊艾迪侯域帥位不穩，仲有多位主力打算離隊，士氣直插谷底，兩隊各有缺點，參考雙方近5次對賽有4次開2球或以下，寧願博2.5球入球細。(ViuTV 96台周日凌晨零時30分直播）

阿仙奴近期頻頻自爆，接連失落英聯盃同英足盃，各項賽事近6場只有1勝1和4負，期間僅入4球，攻力嚴重跌Watt，前鋒約基利斯狀態走下坡，近4次披甲只入1球，上場對曼城阿迪達將佢貶為後備，寧願用中場夏維斯客串中鋒，但效果欠佳，夏維斯所入1球全靠「藍月亮」門將基安盧基當拿隆馬送禮，仲有就係，阿仙奴下周中歐聯4強首回合作客馬德里體育會，今場聯賽要避免消耗太多體力，估計一入波就會拖慢節奏。

喜鵲內亂無心戀戰
「喜鵲」紐卡素現時排名高不成、低不就，欠缺爭勝動力，管理層已為下季做定準備，盛傳有意換帥。進攻主將安東尼哥頓有傷在身，上陣成疑，更傳出呢位翼鋒有意今夏離隊，中場指揮官辛度東拿利亦打算走人，內部立立亂，更加無心戀戰，阿仙奴隨時入1球收工，捧細盤穩陣。