[东方报]世界盃：克羅地亞發力大顯身手[06-23]

十七号

另一場世盃L組次輪賽事，巴拿馬硬撼克羅地亞。「格仔兵」首輪輸波，對住同組實力最弱嘅巴拿馬，為出線今仗不容再失，不過客勝太熱冇肉食，轉捧2.5球入球大更上算。（ViuTV 99台、Now 618及616周三早上7時直播）

近2屆世盃獲1亞1季嘅克羅地亞，首輪即落筆打三更，以2比4不敵英格蘭，好彩餘下兩仗嘅對手，只係巴拿馬同加納，只要克羅地亞發揮正常，連贏兩場就好大機會出線，因此今仗開始要發力，畢竟加納首輪贏巴拿馬已經擸咗3分，而佢哋冇分落袋。雖然世盃前受傷嘅40歲隊長莫迪歷上仗明顯冇態，但陣中仍有彼得穆沙、巴杜連拿、比列錫等支撐大局，球隊近8場有7次開3球或以上，攻力有保證。

巴拿馬遇強防線現形
另邊廂，巴拿馬首輪被睇淡之下，靠全場逼搶打法未落下風，鬥到末段先畀加納絕殺而輸0比1，雖敗不辱。不過巴拿馬本身實力只係有限公司，尤其係近8仗場場有失波，防守不穩，對住巴西就輸到2比6大大鑊，遇強即現形，好難頂得住經驗豐富嘅「格仔兵」狂攻，2.5球入球大仲有1.85倍分頭，值得捧場。