[东方报]英超：主場出擊狂鋒掃落葉 曼聯搶胡追半大[08-30]

august

曼聯誓演英超翻身戰！首仗意外輸波嘅「紅魔鬼」，喺奧脫福迎戰新升班嘅葉士域治，實力上兩軍有一定差距。曼聯喺卡域克帶領下，今季似乎想洗脫穩守突擊味道，踢法上更加進取，今場必借主場氣勢掃落「葉」，預料上半場就會即刻埋牙，博1.5球半場大好路。（Now 621及611周日晚11時30分直播）

曼聯上季中由卡域克接手後，表現有明顯起色，今夏引入泰利文斯、安達利山度士、卡路士巴利巴等技術型中場，配合般奴費南迪斯、麥比奧莫等進攻主力，明顯想轉型踢控球、主攻戰術，不過「紅魔鬼」喺防守上仍然存在唔少漏洞，尤其面對死球攻勢未能有效應對，形成攻強守弱嘅情況。

吸取上場吞侯城兩蛋嘅教訓後，曼聯今場已經不容再失，喺奧脫福出戰肯定會展開猛攻。留意「紅魔鬼」近期多數採取急攻戰術，一開波就會同對手駁火，爭取盡早入波提升士氣，佢哋近4場賽事，半場總入球全開2球或以上，加上今場求勝心切，早段搶攻事在必行。

弗爆葉士域治同你鍊過
葉士域治雖然啱啱重返英超，整體實力難同曼聯相比，不過佢哋近況極佳，回歸英超首戰即2比1擊敗新特蘭，英聯盃亦輕取李斯特城晉級，計埋熱身賽已連贏6場，球員信心爆棚、士氣高漲，見曼聯防守唔係咁穩，今場無懼鬥攻，相信早段就會火花四濺，1.5球嘅半場大有計。