[东方报]西甲：皇蘇回勇追擊艾爾切[09-07]

august

今晚繼續上演西甲，艾爾切將於主場迎戰皇家蘇斯達，艾爾切2連敗失咗8球，防線弱不禁風，反觀皇蘇近2場袋4分漸入佳境，近8次交鋒，皇蘇更獲7勝1和，捧客勝。(Now 632周二凌晨3時30分直播)

艾爾切上季勉強護級成功，季前亦未能簽入高質新兵，所以今季仍無起色，首輪聯賽僅逼和升班球隊拉科魯尼亞1比1，其後慘吞巴塞隆拿5蛋，上仗對另1支升班球隊桑坦德，亦以2比3敗陣，今仗面對更強嘅皇蘇，預咗捱打。

皇蘇開季2連敗，皆因對手係歐聯分子貝迪斯、皇馬，近2場已重回正軌，包括擊敗愛斯賓奴及打和切爾達。畢竟皇蘇有唔少高質猛將，包括奧耶沙巴爾、久保健英等，足以撕破艾爾切脆弱防線，相信會採取主攻戰術，把握機會喺弱隊身上搶分。