[东方报]歐霸：列治普斯納下盤水到渠成[09-17]

august

上屆歐協聯盟主水晶宮「升呢」踢歐霸，首戰於主場惡鬥列治普斯納。水晶宮受傷兵困擾，開季5場只得2勝3負，相反列治普斯納近10戰9場不敗，加上翼鋒柏德威爾馬克表現勇猛，讓球盤水晶宮讓1/1.5實在太多，下盤穩開。（Now 638周五凌晨3時直播）

水晶宮上屆喺格拉斯拿帶領下勇奪歐協聯冠軍，藉此取得今屆歐霸聯賽階段席位。不過大家唔可以用舊年嗰套嚟睇呢場波，第一，執教嘅已經變咗沙治，而且球賽亦高咗一個層次出戰歐霸，對手完全唔同Level。

水晶宮殘陣走晒樣
水晶宮今季表現亦唔算穩定，球隊受嚴重傷兵困擾，尤其進攻線上嘅尼基迪亞、桑馬迪達及伊斯美拿沙亞都唔踢得，想惡都惡唔出樣，球隊後防表現亦差強人意，上仗主場對葉士域治都失3球。

波蘭球隊列治普斯納今屆由歐聯外圍賽開始，可惜不敵對手後落咗嚟歐霸，不過射手柏德威爾馬克連埋歐聯在內，6場外圍賽入咗6粒。列治普斯納雖然今場作客，但佢哋從來唔會縮，球隊近19場歐洲賽作客全部取得入球，而且近7次更每場都起碼入2粒，今場唔赦已淪為無牙老虎嘅水晶宮，受讓極之抵玩。