[东方报]意甲：森多火力曳AC求穩吼細盤[09-10]

august

周日凌晨意甲大戰，森多利亞主場鬥AC米蘭，衞冕嘅「紅黑兵團」開季仲未完全上力，不過穩健防守仍然係球隊拎到好成績嘅根基，開季仍然保持不敗，當中近5場有4場總入球都係2球或以下，今仗作客預料會繼續穩中求勝，2.5球嘅入球細值博。

AC米蘭今季陣容變動唔大，不過喺伊巴謙莫域長抖、新兵奧歷治仍未完全適應情況下，球隊進攻板斧唔多，主要都係靠拉菲爾利亞奧單天保至尊。AC米蘭勝在防守穩陣，就算贏唔到都唔易輸波，連埋周中歐聯作客1比1和薩爾斯堡，今季3場作客都係和波收場，總入球全部開2球或以下。

森多利亞仲未開齋
森多利亞今季表現差勁，踢5場聯賽仍然未贏過波，最大問題係入球能力極低，5場聯賽只入過2球，不過佢哋喺第2輪試過主場悶和祖雲達斯0比0，證明死守都有一定搶分機會，今仗會照辦煮碗以1分為目標，細盤值得捧場。