[东方报]西甲：同級互撼先求穩 皇蘇啞火細盤有數維[01-13]

十七号

星期二凌晨西甲，皇家蘇斯達主場迎戰維拉利爾，兩隊依家都排西甲前8名，屬於歐洲賽資格競爭對手，今場對碰會格外小心。皇蘇主場向來踢得穩陣，維拉利爾亦有進攻主力缺陣，今場似係拉鋸戰，開2.5球入球細機會高。（Now 632周二凌晨4時直播）

皇蘇今季坐擁西甲最佳防線之一，18場聯賽只失過13球，僅次於馬德里體育會排西甲失球第2少。可惜皇蘇進攻乏力，4-5-1陣式對進攻支援唔多，久保建英同奧耶沙巴爾喺進攻上無用武之地，冰島前鋒奧斯卡斯臣今季只得1場聯賽入過波，火力嚴重不足，加上中場靈魂蘇比文迪因傷上陣成疑，控制戰局能力大打折扣。皇蘇近5場聯賽主場，總入球全開2球或以下，今仗唔似會有起色。

維拉利爾受傷停困擾
另邊廂，維拉利爾喺歇冬前狀態一般，對上6場聯賽只得1勝，今場更有翼鋒耶利米賓奴停賽，尼高拉斯比比仍然養傷，首席射手艾約斯佩雷斯上仗缺陣後，可唔可以復出仍係未知數，要攻破皇蘇銅牆鐵壁有難度。預計「黃色潛艇」作客會先求穩守，希望保住唔輸為大前提，捧2.5球入球細穩陣。