[东方报]世冠盃：河床傷鋒攻力銳減 蒙特雷趁病攞命[06-21]

十七号

世冠盃E組美洲大戰，阿甲名牌河床鬥墨超勁旅蒙特雷。河床首仗3比1擊敗浦和紅鑽排榜首，不過蒙特雷亦拎到好成績，同出線大熱國際米蘭打成1比1，氣勢不遑多讓。河床上仗折損主力射手迪奧斯，令進攻力大受削弱，今仗難贏硬淨嘅蒙特雷，讓球客勝（+1）值得捧場。（周日早上9時開賽）

河床首輪贏波但係付出沉重代價，射入1球嘅前鋒迪奧斯不幸受傷，檢查後證實傷及足踝韌帶，今屆世冠盃都唔能夠再上陣，大大影響球隊入球能力。河床上年初曾經同蒙特雷踢過熱身賽，當時佢哋只係靠完場前入波，1比1驚險逼和蒙特雷，可見兩隊實力旗鼓相當。

墨超勁旅經驗老到
蒙特雷有西班牙老將沙治奧拉莫斯領軍，呢位傳奇中堅踢法硬淨，助攻力依然強勁，上場頂破國米大門技驚四座，而且陣中有大批墨西哥國腳，大賽經驗唔輸蝕，要贏佢哋唔容易。蒙特雷近4場比賽只輸過1場，今仗受讓夠筍，推介讓球客勝（+1）。