[东方报]世盃歐洲：意大利唔衰得轟列做大事[10-14]

十七号

同時間開波仲有場世盃外歐洲區I組賽事，出線陷入危機嘅意大利，主場迎戰以色列係志在必得。意大利自從由加度素領軍後，摒棄以往崇尚防守嘅特點，踢法非常具侵略性，今仗對住踢法大開大合嘅以色列，好大機會再演入球騷，3.5球入球大要捧場。（周三凌晨2時45分開賽）

意大利近期4連勝，不過小組首仗吞挪威3蛋成為致命傷，依家落後踢多1場嘅挪威6分，要搶首名出線不容有失。自從加度素6月上任後，3場比賽意大利攻入13球，包括上個月作客以色列戲劇性贏5比4。意大利搶攻為先，防守有唔少漏洞，上場連門將基安盧基當拿隆馬都嚴重犯錯導致失波，想唔失波都幾難。

以色列踢法有前冇後
以色列依家有9分喺手，今場如果贏波就追到同意大利同分，有機會搶到附加賽資格，所以一定唔會放棄。以色列踢法同樣係有前冇後，6場分組賽入15球，但又失咗16球，相當誇張！事實上，意大利近兩次對以色列，總入球全開4球或以上，捧3.5球入球大冇甩拖。