[东方报]世盃南美：葡萄牙搶韁半場入球騷[11-13]

十七号

世盃外歐洲區F組，愛爾蘭今輪主場惡鬥葡萄牙。葡萄牙目前喺榜首有5分優勢，今場贏波就達成出線決賽周目標，肯定火力全開；愛爾蘭要搶附加賽席位，主場出擊亦冇得保留，就算實力唔及對手都要頂硬上進攻，好可能開波就埋牙，1.5球半場大要捧場。（周五凌晨3時45分開賽）

葡萄牙喺馬天尼斯執教後，踢法比以往更進取同主動，寶刀未老嘅C朗拿度領銜鋒線，同拉菲爾利亞奧及祖奧菲歷斯等人默契十足，衝擊力極強，經常喺上半場就施壓搶攻，佢哋對上5場賽事，有4次半場總入球開2球或以上，加上今場贏到就袋走世盃入場券，戰意必定高昂，絕對唔會收油。

愛爾蘭要爭踢附加賽
主場出擊嘅愛爾蘭目前4戰4分排第3，落後次席匈牙利1分，最後一輪決戰匈牙利前唔可以被拋離，主場冇得死守，難怪連早排受傷喺羅馬射手艾雲費格遜，照樣被徵召，據報有機會趕及搏殺，效力些路迪嘅莊尼堅尼近4場入4球亦夠晒弗，有力撕破葡萄牙防線，半場大屬好路之選。