[东方报]世盃歐洲：葡萄牙大發神威爭出線[11-16]

十七号

世界盃歐洲區外圍賽F組最後一輪，葡萄牙主場迎戰阿美尼亞，匈牙利主場鬥愛爾蘭。葡萄牙今場冇C朗，但贏波直接出線應該無懸念，仲要喺主場球迷前大勝一場，3.5球入球大必捧。（周日晚10時開賽）

葡萄牙暫時以10分排榜首，匈牙利8分、愛爾蘭7分緊隨其後，今場只要葡軍擊敗阿美尼亞就可以出線。C朗上場領紅牌要停賽，但般奴費南迪斯可以復出先係最緊要。

事實上，上場鬥愛爾蘭冇般費，葡萄牙組織力確實受影響，葡軍首循環作客阿美尼亞大勝5比0，當中4個入波係般費負責做組織同策劃，有佢同域天拿喺中場派牌，前面唔愁入波機會，預料今場喺主場，會以大炒賀出線，3.5球大放心捧。

愛爾蘭張牙舞爪大反擊
另一場匈牙利主場鬥愛爾蘭，上場葡萄牙放生咗愛爾蘭，令到佢哋今場贏波就可以起碼有附加賽資格，甚至數字上有機會直接出線，今場作客都有機會照樣採取主動，雙方首循環踢成2比2，今場相信都係一場入球騷，2.5球入球大好路。（周日晚10時開賽）