[东方报]意超盃：最強鋒將全力數胡 國米半W有着洛[12-19]

十七号

正在沙特阿拉伯舉行嘅意超盃，今晚上演另一場4強大戰，博洛尼亞對國際米蘭，論整體實力及狀態，上屆亞軍國米都秤先，並且踢法搶韁，各項賽事近4場有3次上半場領先。博洛人腳有限，難以兼顧多線作戰，恐怕抵擋唔住對手快攻，考慮到客W太熱冇肉食，一於直取半場客勝。（周六凌晨3時開賽）

博洛尼亞以上屆意大利盃冠軍身份參賽，但今季表現每況愈下，各項賽事近5仗只有2勝1和2負，包括聯賽不敵新升班球隊克雷莫納，水準甚為飄忽。

博洛戰線太多難兼顧
事實上，博洛尼亞只屬中小型班，組軍往往只能執平貨，包括今夏免轉會費簽入由美職回流嘅中場貝拿迪斯治，整體人腳質素有限，近期要兼顧意甲、歐霸盃、意大利盃3條作戰，現時仲要踢埋意超盃，恐怕吃不消。

至於國際米蘭屬於意超盃常客，過去4屆獲得2冠2亞，包括上屆決賽不敵AC米蘭，今屆捲土重來，爭標戰意更強。國米現時狀態勇銳，近5場贏4場，合共轟入13球，首席射手拿達路馬天尼斯今季20次上陣有12球進帳，拍檔馬古斯杜林傷愈復出後，表現漸入佳境，近4次披甲入3球，加上兩位年輕前鋒比奧艾斯保薛圖、安治邦尼亦不時有佳作，相信有力迅速撕破博洛尼亞防線，半場客勝好路。