[东方报]英超：利物浦紛爭平息再衝刺[12-20]

十七号

英超Big 6褪色大戰，熱刺主場對利物浦，熱刺近期大踢「海鮮波」，領隊法蘭克壓力沉重隨時被炒，並唔可靠；反觀利物浦近5仗3勝2和，已捱過低潮期，最難得係主帥施洛與穆罕默德沙拿和解，士氣回升，加上雙方近5次交手利物浦獲4勝1負，作客讓平半照捧上盤。（Now 621及611周日凌晨1時30分直播）

前鋒單打獨鬥靠唔住
熱刺近況飄忽，早前喺聯賽同歐聯連勝賓福特及布拉格斯拉維亞，但上輪返到聯賽又淨吞諾定咸森林3蛋，賽後法蘭克承認，熱刺隊波存在唔少問題，不過有評論認為，法蘭克過去只執教中型班，嚟到熱刺竟然放棄主動控球同前場逼搶，只強調中場同後防穩定性，進攻全靠球員個人能力，中鋒李察利臣表現時好時壞，當佢入唔到波，熱刺就贏唔到。

另邊廂，利物浦早前同樣有換帥危機，不過施洛上季贏咗英超冠軍，抗壓能力點都好啲，至於近幾場出現嘅「沙拿之亂」，隨着上輪聯賽沙拿獲解凍上陣，仲送出助攻幫球隊擊敗白禮頓，問題解決晒，球員可以專心比賽，加上對賽成績佔優，雙方近5次交手利物浦獲4勝1負，睇好「紅軍」係非常合理。