[东方报]英超：地頭快刀超煞食 曼城急先鋒劫富派半W[02-11]

十七号

英超周中快車，曼城主場迎戰富咸，「藍月亮」上仗作客驚濤駭浪之下，反勝利物浦2比1，相信吸取教訓後，今場肯定會力爭盡快入波領先，以免夜長夢多。事實上，曼城喺自己地頭比賽，往往會採取先下手為強，各項賽事近10次主場出擊，全部上半場領先。富咸處於頹勢，恐怕無力招架，一於直取「藍月亮」半場主勝。（Now 622周四凌晨3時30分直播）

曼城落後榜首阿仙奴6分，為保持爭標希望，餘下每場聯賽都要搏盡搶分，「藍月亮」近期狀態不俗，各項賽事近5仗取得4勝1和，信心十足，上仗作客利物浦更反客為主，上半場已經有10次射門，比「紅軍」多7次，加上今仗擁有主場優勢，踢法肯定會更加進取。

更何況艾寧夏蘭特、卓基、安東尼施美安等進攻球員都具備出色嘅入球能力，能夠令對手防不勝防，強如利物浦都抵擋唔住「藍月亮」嘅強勁攻勢，更何況係富咸。

富咸近19次對賽輸晒
另邊廂，富咸曾於年初有過一排不俗演出，包括打和利物浦，擊敗車路士等，但近期球隊又再次打回原形，近4場英超賽事只有1勝3負，包括作客不敵護級分子列斯聯，早前對曼聯一役，更喺開賽19分鐘就經已失守，喺上半場落後情況下，最終以2比3不敵「紅魔鬼」。呢支倫敦球隊實力弱過曼城一大截之外，而且位處聯賽榜中游位置，高不成、低不就，爭勝決心明顯唔及曼城，屆時勢必捱打。

再睇埋雙方近19次對賽成績，曼城獲得全勝，明顯格食格，其中近6次交鋒，「藍月亮」有5次上半場領先，既然主勝太熱冇乜肉食，不妨選擇半場主勝。