[东方报]德甲：拜仁睇定食入波唔慌多[02-28]

十七号

德國國家打吡，多蒙特主場迎戰拜仁慕尼黑。榜首拜仁領先多蒙特8分，今場作客會踢得較謹慎；多蒙特剛喺歐聯附加賽輸波出局，士氣受打擊，預計會加強防守，加上雙方近4次交手3次開3球或以下，捧3.5球入球細最明智。■（Now 639周日凌晨1時30分直播）

多蒙特嚴防先求不失
現時排第2嘅多蒙特今季聯賽僅1敗，就係首循環1比2輸畀拜仁，今場對拜仁係「6分波」，和或輸都等同將冠軍拱手讓人。

不過多蒙特剛喺歐聯附加賽慘敗，首回合領先2球下，作客遭阿特蘭大逆轉4比1，總比數輸3比4出局，士氣受到打擊，相信今場後防會加倍小心，唔會輕易畀拜仁入波。

拜仁喺形勢上，今場和波都OK，可以睇定嚟食，前場靠哈利卡尼、路易斯迪亞斯同米高奧利斯爭取入波，其餘球員返後布防，多蒙特已經冇晒符，預計今場屬拜仁小勝格，入波唔會多，捧入球細之餘，不妨兼顧客勝。