[东方报]國友賽：瑞士夠硬淨讓主德米[03-27]

十七号

另一場焦點拍跳，德國要作客硬撼瑞士。由於「日耳曼兵團」有唔少球員因傷落選，今次都係試陣為主，加上近年對住硬淨到暈嘅瑞士毫無優勢，邊有本錢讓波？捧番受讓嘅瑞士讓球主勝（+1）為妙。（周六凌晨3時45分開賽）

傷疲嚴重困擾德國
德國喺世盃外A組雖錄5勝1負，但要打到尾輪擊敗斯伐洛克，驚險鎖定首名直接出線資格。佢哋喺今輪國際賽有唔少傷兵，包括阿歷山大柏夫洛域、菲歷斯尼美查、利維寧等冇入選，安祖路史迪拿、安東史達治等2線兵中場，相信會獲得上陣機會，但畢竟佢哋經驗不足，效果難料。除此之外，今次入選嘅魯迪格、夏維斯、禾達美迪等主力，唔係剛傷愈未弗，就係狀態跌Watt，相信「拿高Sir」志在考察一下。

另邊廂，瑞士陣容更完整，隊長格列沙加、文路爾艾簡治、比列安保路、魯賓華加斯等悉數入選，「十字軍」近10場不敗，上次輸波已經係2024年年尾歐國聯不敵西班牙，單計世盃外B組便錄得4勝2和，輕鬆獲首名取得世盃入場券。事實上，佢哋近年絕對唔赦德國，之前4次正面交鋒，獲得1勝3和未輸過，硬淨到暈，今仗主場仲有得受讓咁筍，讓球勝（+1）咪錯過。