[东方报]英超：新帥領軍熱刺大反擊[04-12]

十七号

今晚英超另一場焦點之戰，熱刺新帥迪薩比首仗領軍，作客新特蘭。熱刺已經跌落尾三「降班區」，如果今仗再失分，隨時冇得翻身，料迪薩比會擺大個頭主攻搶分，加上熱刺各項賽事近8場有7場總入球開3球或以上，最好博中位數2.5球嘅入球大。（Now 621周日晚9時直播）

熱刺上月底解僱僅執教44日嘅杜陀，聘請迪薩比接手領軍，呢位意大利名帥崇尚進攻足球，教波功力備受認同，估計應該可以協助熱刺谷底反彈。事實上，熱刺本身人腳唔錯，前鋒李察利臣重拾射門鞋，近4場英超有2球進帳，蘇蘭基、高路梅安尼近期都有入波，迪薩比採取主攻戰術，更加有利佢哋發揮。不過，熱刺防守實在太脆弱，近10場比賽都有失波，今仗焗攻恐怕難保清白之身。至於新特蘭仍有機會爭奪下屆歐洲賽資格，相信「黑貓」會放膽強攻對手，一於揀2.5球嘅入球大。