[东方报]歐冠：落後兩球 巴塞作客焗攻 馬體會下盤筍[04-14]

十七号

歐聯8強次回合生死戰，馬德里體育會主場迎戰巴塞隆拿。首回合「床單兵團」作客贏2比0，賽果令人意外，今仗馬體會有主場之利，預計主帥施蒙尼會以硬朗防守阻止巴塞來犯；翻查往績，巴塞近5次歐聯對「床單兵團」僅得1勝1和3負，難佔甜頭，馬體會主場受讓半一勁着數，一於捧下盤。（Now 638周三凌晨3時直播）

巴塞隆拿首回合輸波，主要因為中堅古巴斯完半場前食紅牌出場，連隨畀馬體會前鋒祖利安艾華利斯主射罰球直接射入，打少個兼落後1球先至冇得翻身，輸波後王牌拉明耶馬成個呆咗；賽後佢哋向歐洲足協發信彈劾球證執法不公，話球證冇判「床單兵團」後衞佩比爾喺下半場初段禁區內用手執波犯規，透過施壓希望次回合能夠得益，不過歐洲足協絕對唔會賣帳。

落後兩球嘅巴塞，今仗要喺作客環境下強攻，難度大增，佢哋向來只攻不守，要攻破馬體會嘅銅牆鐵壁已經唔容易，仲要提防「床單兵團」嘅快速反擊，勢必陷於苦戰，例如早前2月中嘅西班牙盃，巴塞作客就試過淨吞馬體會4蛋，今場焗攻隨時死得更快。

床單軍門神奧比歷復出
另邊廂，馬體會上場聯賽輸畀西維爾，西甲3連敗，擺明車馬博歐聯，今場肯定會排出鐵桶陣死守。賽前更有消息指，1號門將奧比歷已可候命，不過現時把關嘅祖安梅素都唔差，另外中堅基文迪朗格勒亦可倒戈，主帥施蒙尼手上有大把籌碼，受讓半一嘅下盤絕對抵玩。