[东方报]世界盃：最弱主辦國對戰 加拿大浪射為細所逼[06-18]

十七号

B組次輪有場奇妙對戰，加拿大對卡塔爾。加拿大被視為今屆最弱東道主，卡塔爾喺上屆創下世盃史上最差主辦國紀錄，然而兩隊今屆首輪雙雙取得「零的突破」，獲得各自隊史歷來第1分，今場兩隊「世盃小強」正面交鋒，大家咁高咁大，同樣攻力弱，今場入波唔慌多，2.5球入球細係最佳選擇。（Now 618及616周五早上6時直播）

兩隊實力有限，踢法則各有特色，加拿大主帥馬殊嘅戰術係靠球員不惜氣力跑動進行全場逼搶，上場所見，佢哋大部分時間都壓住對手嚟打，結果扳平1比1攞到隊史決賽周第1分，不過睇番全場數據，加拿大13次射門只得3次中目標，經常浪射冇腳準，總之射咗先算。

盧比迪古強調傳控
至於卡塔爾，領隊盧比迪古強調傳控，佢哋上場鬥瑞士全場受壓，結果變成低位防守，雖然全場控球率只得3成，但只失1球12碼，仲喺補時憑住僅有攻勢令對方擺烏龍追和1比1。今場將會係攻防戰，翻查加拿大近4場比賽總入球全開2球或以下，估計入球1球起2球止，甚至冇波入，捧入球細啱數。