[东方报]世界盃：美斯屈機難頂瑞士反擊 阿根廷大件事[07-11]

十七号

世盃8強大戰，衞冕勁旅阿根廷硬撼歐洲實力分子瑞士。由「球王」美斯帶領嘅阿根廷，今屆晉級過程峰迴路轉，製造不少經典戰役，雖然美斯堅「屈機」入球停不了，但防守上卻出現不少漏洞，面對擅踢反擊嘅瑞士必有惡鬥，2.5球入球大放心捧場。（Now 618、616及馬會指定場外投注處周日早上9時直播）

阿根廷前鋒美斯仍然係今屆最佳男主角，分組賽開始場場入波，5場賽事交出8入球同1助攻，就算對手知道由佢主宰阿根廷進攻，亦難有辦法阻止。在美斯牽制下，拿達路馬天尼斯及安素費南迪斯等隊友亦開始把握入球機會，加上後衞在死球助攻頻頻得手，阿根廷已成為世盃史上第2隊，連續11場攻入至少2球嘅球隊。

防守唔掂入得又失得
不過，阿根廷亦非絕無弱點，在面對快速反擊時往往出現漏洞，32強踢到加時先以3比2險勝佛得角，16強落後2球下絕地反勝埃及3比2，兩場淘汰賽共失4粒。翻查紀錄，阿根廷面對歐洲球隊，往往樂於同對手駁火，近5次鬥歐洲兵亦有4次開3球或以上。

另邊廂，瑞士今屆殺入8強，已追平國家隊史上世盃最佳成績，雖然兩場淘汰賽冇失球，但對手阿爾及利亞同哥倫比亞都非主攻球隊，防線未受真正考驗。瑞士今場縮後亦非壞事，丹尼杜耶、比列安保路兩位速度型前鋒都擅踢反擊，對住強攻嘅阿根廷反而更能發揮，博2.5球入球大好路。