[东方报]歐霸：攻力急跌PAOK唔易食 基輔戴拿模半和最穩[07-23]

十七号

歐霸盃第2圈外圍賽首回合，烏克蘭老牌勁旅基輔戴拿模對希臘球隊PAOK。基輔戴拿模過去1年成績大跌，喺外圍賽表現亦未見起色，上一圈只靠互射12碼晉級，入球能力成疑。而且今場比賽移師波蘭舉行，基輔戴拿模連地利都冇埋，唔係咁易咬得入PAOK，半場和值博。（周五凌晨1時開賽）

基輔戴拿模喺2025年贏烏超聯冠軍，但上季跌落第4位，淪落到要踢歐霸外圍賽，佢哋上一圈遇上實力平庸嘅克魯日大學，結果兩回合都打和0比0，最後互射12碼勝出驚險晉級。計一計數，基輔戴拿模喺兩回合賽事合共錄得42次攻門，但只得11次命中目標，全部未能轉化成為入球，證明球隊嘅把握力出現好大問題。

靠36歲耶莫蘭高孭飛
事實上，呢支烏克蘭球隊仍然依賴36歲老將耶莫蘭高作為進攻核心，而且進攻速率偏慢，令對手容易防範。不過基輔戴拿模勝在防守穩陣，都唔係咁容易失波，相信上半場唔會有太多攻門鏡頭出現，佢哋近5場賽事就有4次開出半場和。

PAOK今場唔敢亂嚟，曼聯青訓出身嘅翼鋒梳泰亞因傷上陣成疑，進攻力削弱，相反另一位英格蘭球員莊祖堅尼就會繼續領導PAOK嘅防線，預料PAOK都係先主守，留待次回合返主場再搏殺，上半場會踢得穩陣，博半場和好路。