[东方报]歐超盃:歐聯王者歐霸之神對決PSG殘陣維拉頂住[08-12]

十七号

歐超盃周四凌晨爆發！歐聯王者安歷基領軍嘅巴黎聖日耳門（PSG），將會喺奧地利擺陣，迎戰由歐霸之神艾美利領軍嘅阿士東維拉。衞冕嘅PSG今場殘陣，隊中多名法國國腳踢完世盃後未及上陣，要贏硬朗嘅維拉有難度。今場法定時間未必分到勝負，維拉受讓可博讓球客勝（+1）。（Now 638周四凌晨3時直播）

喺歐聯王者安歷基領軍下，PSG連續兩年稱霸歐聯，實力強大已獲肯定，不過球隊幾位主力好似奧士文尼迪比利、迪斯亞杜伊、巴特利巴高拿、法比安彭拿等等世盃4強球員，因為放假要延遲周一先歸隊，今場多數唔會候命。PSG季前亦作出唔少人員變動，干卡路拉莫斯、李康仁等副選離隊，啱啱加盟嘅艾利奧捷仲要時間適應。

再者，呢支法甲班霸較遲開操，目前只踢過兩場熱身賽，分別0比3輸畀馬略卡，以及上場同曼聯打和1比1，兩場都贏唔到波，明顯仍處於季前提升狀態階段，表現肯定大打折扣。PSG喺上屆歐超盃對英超球會熱刺，亦係靠互射12碼捧盃。事實上，過去8屆歐超盃，有6次法定時間打和，喺雙方都未操起狀態前，多呈勢均力敵格局。

維拉備戰充足
另邊廂，阿士東維拉季前備戰相對充足，開操後已經踢過6場熱身賽，啱啱完成嘅亞洲之旅對催谷狀態有一定幫助。即使維拉今夏失去摩根羅渣士同泰利文斯兩位核心球員，戰鬥力受到削弱，但領隊艾美利始終係歐戰專家，要喺歐洲賽擊敗維拉並唔係易事，預料維拉唔會落入下風，受讓必捧讓球客勝。