[东方报]世盃歐洲：波蘭開入球騷賀羅拔佬回歸[09-04]

十七号

至於歐洲區G組「雙蘭大戰」，荷蘭主場迎戰波蘭。「風車國」新一代球員紛紛喺所屬球會有表現，領隊朗奴高文唔愁冇人用；另邊廂波蘭搞掂內亂，羅拔利雲度夫斯基強勢回歸，實同荷蘭鬥攻，2.5球入球大諗得過。（周五凌晨2時45分開賽）

荷蘭迪比勢破紀錄
荷蘭因為要踢歐國聯8強，喺G組起步較遲，但「橙衣兵團」兩戰全勝，分別以8比0大勝馬爾他及2比0擊敗芬蘭，實力超班。今次朗奴高文召入多名星級戰將，老將迪比現時同尹佩斯一樣，為荷蘭射入50球，只要今場有進帳，就可以獨霸「橙衣兵團」神射手美譽，預料佢將會夥拍利物浦嘅加普攻堅，加上有賴恩格雲貝治及曼城嘅雷恩達斯支援，可以繼續強攻。

波蘭雖然對賽成績稍佔下風，但「羅拔佬」贏出「國家隊宮鬥」，迫使之前褫奪佢隊長職位嘅前領隊普比斯落台，而且啱啱傷愈趕及入選，肯定會大顯身價，波蘭有望延續與荷蘭近7次對賽，5次開3球或以上嘅入球騷傳統。