[东方报]世盃歐洲：見好就收法國細味冰島[09-09]

十七号

今晚世盃外歐洲區D組上演搶分戰，由法國對冰島。「高盧雄雞」上場淨勝烏克蘭2比0，順利打響頭炮，今返主場對首輪大勝阿塞拜疆5球、暫時排榜首嘅冰島，以法國雄厚實力，應可全取3分，不過近年所見，法國主場總入球唔會太多，吼3.5嘅入球細。（周三凌晨2時45分開賽）

今場係法國分組賽首場主場賽事，主帥迪甘斯勢必精銳盡出，務求能在主場球迷面前全取3分。不過法國上場贏烏克蘭亦要付出代價，巴黎聖日耳門前鋒奧士文尼迪比利受傷，攻擊力點都有影響，為免其他主力再有損傷，例如基利安麥巴比同米高奧利斯等都會錫住用，好向佢哋所屬球會交代。

睇番法國近4場賽事，有3場贏對手2比0，贏波過程幾乎一模一樣，就係先攻破對方大門，再喺尾段補多個「燕梳球」結束比賽，可見迪甘斯精於此道，加上近5場主場4次開3球或以下，估計就算贏波都唔會大勝。

要埋2:0波膽
冰島上場大炒阿塞拜疆5比0，不過今場作客法國絕對係一場硬仗，佢哋最大倚仗就係球員雄厚體力同嚴密防守，但要守住法國談何容易，因此佢哋盡可能避免輸大比數就算，預計今場總入球偏少，捧入球細之餘，進取嘅可以玩埋法國2比0波膽。