[东方报]西甲：巴塞開Turbo等睇入球騷[09-14]

十七号

周一凌晨西甲，巴塞隆拿主場迎戰華倫西亞。巴塞開季經過連續3場作客賽事後，今輪終於返主場出擊，不過由於魯營球場工程未搞掂，要搬去只能容納6,000名觀眾嘅告魯夫球場比賽，當堂冇晒氣勢，作客嘅華倫西亞隨時搵到着數，加上雙方近4次交手3次開4球或以上，捧3.5球入球大最明智。（Now 632周一凌晨3時直播）

巴塞隆拿開季3場作客取得2勝1和，表現有進步空間，佢哋攻擊線主力拉芬夏比洛尼同費倫托利斯都有進帳，唯獨箭頭人物羅拔利雲度夫斯基仲未「開齋」，今仗肯定會開Turbo傾力數胡。

不過原預計今季落成啟用嘅魯營球場，工程仲未埋尾，最快要到月底先用得，所以今場要暫時搬去青年軍使用嘅告魯夫球場比賽，巴塞喺「細場」出擊始終冇咁着數，上盤讓1.5/2球太辣有唔少風險。

華倫有本錢鬥攻
至於客軍華倫西亞，開季3戰得4分位居中游位置，表現不過不失，主力迪亞高盧比斯、曉高杜羅同丹祖馬均已取得入球，遇上踢法全攻型嘅巴塞，極可能出現鬥攻場面，入球必多，加上兩隊近年交手頻開入球大，包括前次巴塞大勝7比1，上次碰頭巴塞大炒5比0，入球大係最佳選擇。