[东方报]英超：作客富咸 見好就收阿仙奴 慢攻出細貨[10-18]

十七号

英超周日凌晨上演「倫敦打吡」，富咸主場迎戰榜首阿仙奴。「兵工廠」近期把握到利物浦接連失利升上榜首，跟住要做嘅就係穩住陣腳，今季所見佢哋多場穩中求勝，近6場5次開2球或以下，當中有4場贏2比0，2.5球入球細要吼實。（Now 621及611周日凌晨零時30分直播）

阿仙奴傷兵問題仍然嚴重，馬田奧迪加特、馬度基、夏維斯仍然養傷，根據近仗所見，伊比爾治伊斯連場踢正選，後備奇兵加比爾馬天尼利亦要擔正。

值得要留意「兵工廠」近期嘅比賽模式，就係入波唔多，通常上半場先入1粒，再喺下半場補多個「燕梳球」就算，今場作客富咸，相信阿仙奴領隊阿迪達嘅game plan都會係咁上下。

主隊防線頂得兩嘴
另邊廂，富咸剛經歷聯賽兩連敗，近況轉沉，不過呢班波主場頂得兩嘴，今季主場各項賽事4勝1和不敗，阿仙奴想喺度贏波，相信都要花一番工夫，適逢富咸近況走下坡，阿仙奴今場小勝機會高，捧2.5球細盤最明智。