[东方报]歐冠：巴黎殘陣益晒拜仁[11-04]

十七号

衞冕嘅巴黎聖日耳門（PSG）主場惡鬥拜仁慕尼黑，兩軍同樣歐聯頭3戰全勝，不過PSG近況放緩，而且受傷停影響，攻守實力大打折扣，相反拜仁弗到漏油，開季各項賽事15連勝，哈利卡尼腳風超順，今場作客法國肯定可以搶分而回，平手盤撐拜仁。（Now 638周三凌晨4時直播）

近4次對賽PSG全敗
上屆冠軍PSG近6場只得3勝3和，近兩場聯賽僅以1比0擊敗尼斯，以及同下游球隊羅連安特踢成1比1失分，而且翼鋒迪斯亞杜伊受傷，加上中堅薩尼巴爾上場歐聯鬥利華遜領紅牌，二人今仗鬥拜仁需要倦勤，肯定影響球隊攻守實力。要知道最強對最強，一個小瑕疵就足以影響勝負，依家PSG仲要有兩個位置出現問題，教練安歷基都要諗諗計。

今場係2020年決賽翻版，當年拜仁以1比0擊敗聖日耳門捧盃，現今拜仁狀態一流，開季各項賽事15連勝，上周聯賽鬥利華古遜大輪換下，仍然大勝3比0而回，正選後備都咁弗爆。前鋒哈利卡尼腳風超順，上場同米高奧利斯、路易斯迪亞斯等只係後備上陣30分鐘，養精蓄銳應付呢場歐聯大戰，加上拜仁近4次歐聯對PSG全勝，今場可以睇高一線，平手盤捧拜仁。