[东方报]世盃歐洲：睇定先郁手哥斯達黎加吼半和[11-18]

十七号

聽朝世盃中北美洲區外圍賽C組最後一輪，哥斯達黎加主場決戰洪都拉斯。呢組形勢緊湊，雖然兩隊都要贏波，先有機會更進一步，不過兩軍實力差唔多，任何錯誤都可能會致命，喺唔想咁快就輸嘅情況下，半場唔敢輕舉妄動，揀半場和啱數。（周三早上9時開賽）

庫拉索等創奇迹讓客剝牙
目前呢組洪都拉斯同海地同得8分，哥斯達黎加以6分排第3，今場哥軍必須贏波搶走直接晉級或附加賽機會，和波肯定出局；洪都拉斯形勢上亦要贏波，再同海地計得失球，一樣不容有失。由於海地另邊廂主場鬥尼加拉瓜，照計可以全取3分，不過尼加拉瓜又唔係完全冇反抗能力，「波係圓嘅」乜都可以發生，所以今場哥斯達黎加鬥洪都拉斯，相信兩軍都會睇住半場發展，下半場先諗點部署，尤其洪都拉斯排榜首，更加唔使急住。事實上兩隊實力接近，加上雙方近4次交手全開半場和，唔怕追多鋪。

至於B組都有場關鍵戰，牙買加主場硬撼庫拉索，庫拉索領先牙買加1分排榜首，呢個只得16萬人口嘅加勒比海島國，今場只要唔輸，就可歷史性殺入決賽周。庫拉索有前曼聯棄將鍾達希壓陣，呢名有華裔血統嘅球員現時效力英冠錫菲聯，佢今年8月由荷蘭入籍庫拉索，有望助球隊晉級，讓球客勝（+1）值得考慮。