[东方报]英超：維拉愈戰愈勇搶Ｗ衝前４[11-23]

十七号

今晚英超頭場，列斯聯主場鬥阿士東維拉。護級分子列斯聯近5場聯賽輸足4場，仲要為英超席位苦苦掙扎；反觀維拉為搶分爭入前4，愈戰愈勇，近6場聯賽獲得5勝1負佳績，形勢高下立見，客勝有2倍分頭相當抵玩。（Now 621周日晚10時直播）

列斯聯遇強即屈
列斯聯今季重返英超後，成績相當麻麻，11場聯賽僅得3勝2和6負，所贏對手只係同屬下游球隊嘅愛華頓、狼隊及韋斯咸，遇上稍具實力對手，往往陷入劣勢，包括近兩場分別不敵白禮頓同諾定咸森林，合共失6粒，恐怕抵擋唔住維拉強襲。

維拉今季演出慢熱，開季頭5場不勝後全面回勇，近6場英超贏5場，今場遇上「魚腩」列斯聯，3分志在必得。雖然佢哋有中堅泰朗明斯養傷，安斯干沙及阿馬度奧拿拿亦上陣成疑，但荷蘭國腳唐耶爾馬倫腳風甚順，連同國際賽在內，近4次上陣入3球，維拉有力反客為主。