[东方报]英超：愛華頓防守出色至架細[11-29]

十七号

周日凌晨英超大戰，近況勇猛嘅愛華頓主場迎戰紐卡素。愛華頓近期2連勝，莫耶斯帶領下繼續踢出極強防守力，今仗對住進攻乏力兼且不擅作客嘅「喜鵲」，有望穩中求勝，博2.5球入球細好路。（Now 621及611周日凌晨1時30分直播）

愛華頓上場喺大部分時間踢少個下，仍然1比0擊敗曼聯，以門將比克福特為首嘅防線相當穩陣，就算入波唔多都一樣靠防守搶到分，近5場聯賽有4場總入球開2球或以下，包括近3場合共只失過1球之下，成功搶到7分，今仗肯定照辦煮碗，以守代攻。

紐卡素鋒線低迷
紐卡素今季失去阿歷山大伊沙克後，進攻板斧欠奉，安東尼哥頓等攻擊主力狀態低迷，箭頭禾達美迪同隊友亦未夾熟，進攻能力遠不如上季。紐卡素作客會先穩住防線，祖連頓同般奴古馬雷斯嘅中場夠硬淨，今仗務求終止作客4連敗走勢，一於博2.5球入球細。