[东方报]意甲：國米搶尾胡客Ｗ開餐[12-28]

十七号

周一凌晨意甲大戰，阿特蘭大主場鬥國際米蘭，作為2025年最後一輪賽事，近況大勇嘅國米必定會全力爭勝，確保能夠以「1哥」身份踏入2026年。考慮到國米近年專剋阿特蘭大，今場有力反客為主，捧客勝好路。（Now 638周一凌晨3時45分直播）

近8對賽擊潰阿特蘭大
阿特蘭大自從11月換帥，改由柏拿甸奴執教之後，成績有大幅改善，不過今場先係佢上任後最大考驗，而兩大主力迪占士堤同比拿路華仍然養傷，大大削弱球隊搶分能力。唔好忘記，阿特蘭大過去8次同國米交鋒，全部都輸波收場，好有「格食格」嘅味道。

國米嘅平均實力喺意甲首屈一指，近期走勢亦算對辦，喺聯賽取得3連勝，就算作客亦有非常穩定嘅演出，近6場聯賽作客贏咗5場。上場意超盃擔任後備嘅拿達路馬天尼斯，今場會復出擔正，呢位阿根廷前鋒近3場聯賽入4球，國米攻力信得過，今場一於捧客勝。