[东方报]英超：維拉信心爆棚讓客秤仙[12-30]

十七号

今晚英超爆發爭標關鍵大戰，榜首阿仙奴主場惡鬥3哥阿士東維拉。兩軍今個月初聯賽交鋒，當時維拉以2比1「絕殺」對手，目前11連勝走勢唔係講玩，球員信心爆棚，加上近年對住「兵工廠」都佔上風，作客甚有機會搶分而回，受讓必捧讓球客勝（+1）。（Now 621及611周三凌晨4時15分直播）

「兵工廠」遇強冇甜頭
阿仙奴今季表現穩打穩紮，對中下游球隊多數能恃質取勝，但面對曼城、阿士東維拉、車路士、利物浦及新特蘭等前列球隊，「兵工廠」都贏唔到，加上兩閘祖利安添巴同卡拉費奧利因傷上陣成疑，要阻擋維拉凌厲反擊有難度。

維拉上場2比1反勝車路士後，追平球會塵封111年嘅各項賽事11連勝走勢，「當紅炸子雞」摩根羅渣士弗到爆廠，速度、力量及射門都無人能阻，身邊嘅奧尼屈堅斯及貝安迪亞等隊友亦全面回勇，今場要全身而退唔難。

再睇埋近年對賽，維拉可謂食住阿仙奴，近5次交手錄3勝1和1負，包括最近兩次造訪酋長球場獲1勝1和保不敗，讓球客勝（+1）咪走雞。